குருகுல கல்விக்கு வந்து பயிலும் மாணவ மாணவிகள், உயர் ஆத்மாக்கள் என்று மறக்க வேண்டாம். இவர்கள் வருங்கால பரமாத்மா சக்தி பீடத்தின் வளர்ச்சிக்கு ஓர் வழிகாட்டும் கருவிகளும் கூட. சிறு பிள்ளைகள் தானே இவர்கள் என்று அவர்களை சாதாரணமாக எண்ண வேண்டாம். உருவம் சிறியது ஆனால் அவர்களுக்குள் உள்ள ஆத்மா பெரியது என்பதை மறக்க வேண்டாம். அவர்களை கண்டிக்கும் பொழுது அன்பாக கண்டிக்கவும். ஆவேசப்பட வேண்டாம். குருகுல போதனை ஆசிரியர்கள், உணர்ச்சிக்கு ஆளாக கூடாது.

அது பிள்ளைகளின் மனதை புண்படுத்தும். அவர்களுக்குள் உள்ள அந்த ஆத்மாவும் கலங்கும். குரு குலத்துக்கு வரும் பெரியவர்களே இன்னும் திருந்த வேண்டியது நிறைய இருக்கிறது. குருகுல போதனை ஆசிரியர்கள் இம்மாணவர்களை அன்போடு போதித்தால் அவர்களும் சந்தோஷத்துடன் குருகுல கல்விக்கு வருவார்கள்.

நீங்கள் பொறுமையை இழந்தால், அவர்களுக்கும் மனம் சஞ்சலம் இவ்வயதிலேயே ஏற்பட்டு விடும் என்பதை மறக்க வேண்டாம்.​ அகத்திய மகரிஷி என்றும் சொல்கிறார் அல்லவா, பிள்ளைகளை கண்டிக்கலாம் ஆனால் தண்டிக்க கூடாது என்று. இதன் உண்மையை உணர்ந்து போதிக்கவும் இம்மாணவர்களுக்கு.

அன்பே சிவம் என்று மறக்க வேண்டாம். போதிக்கும் குரலிலும் பண்பு வேண்டும், என்று நினைவில் கொண்டு உணர்ச்சிவசப்படாமல்  இப்பிஞ்சுகளை வழிநடத்துங்கள். குருகுல கல்வியின் வழி நடத்தலுக்கு நாங்கள் அதிக கவனம் செலுத்துவோம் என்று மறக்க வேண்டாம்.

வருவது பிள்ளைகள் அல்ல உயர் ஆத்மாக்கள் என்று நினைவில் கொள்ளவும்.