குருவருள் நெறி வழிபாட்டின் மூலம்தான் யோக நிலையில் தன்னை  அறியும் நிலை ஏற்படுகின்றது.இந்நிலையில் பரம்பொருளின் தெய்வீகத்தை உணர்தல். எல்லாவற்றையும் ஏகமனதோடு,ஒரு முதிர்ச்சியோடு பார்க்ககூடிய நிலையில் இருப்பார். உலக  வாழ்க்கையில் பற்றின்மையாக்கி தன் ஆத்மாவை உணர்ந்து இறை சக்தியோடு ஒன்றிணைய முற்படுவார். இறை சக்தியோடு கலந்து முழுமையாக மனதை ஒரு நிலைப்படுத்தி தன்னை தவ நிலைக்கு கொண்டு செல்லும் முதிர்ச்சி தன்னிடம் இருக்கும். இறுதியாக தன் ஆத்மா பரமாத்வாவுடன் இணைந்து தெய்வ நிலையை அடைவார்.இதுவே மனித பிறப்பின் நோக்கமாகும். ஞான நிலையை அடைவதற்கு பரமாத்மா சக்தி பீடத்தின் ஸ்தாபகர் ஶ்ரீ வாலை மாமகரிஷி அவர்களின் தலைமையில் தன் சீடர்களுடன்  அனைத்து நடவடிக்கைக்களையும் நடத்தி கொண்டிருக்கிறார். இந்த இயக்கம் பத்துகேவஸ் பரமாத்மா சக்தி மலையில்  சித்தர் ரிஷி குருகுலம்   ஆசிரமம்  அமைத்து  குரு சீடர் பரம்பரை உருவாக்கி செயல்பட்டு வருகிறது.

​

இந்தக் குருகுலத்தில் இலவசமாக குருவழிபாடு , நன்னெறி பயிற்சி, 8 நடை பயிற்சி, மூச்சு பயிற்சி, மன ஒருமைபயிற்சி போதித்தல். மேலும் வாசி யோகப் பயிற்சி, தியானப் பயிற்சி , மௌன பயிற்சி தகுதியானவர்களுக்கு போதிக்கப் படுகிறது.

மனிதனை முதல் படியிலிருந்து பரிணாம வளர்ச்சியின் அடுத்தபடிக்குக் கொண்டு செல்லும் அடுத்த ஞான நிலை அடைவதற்கான செயல்முறை திட்டங்கள் செயல்பட்டு வருகின்றன. இதன் மூலம் மனிதர்கள் தற்போதுள்ள எதிர்மறையான குணங்களிலிருந்து விடுபடுவார்கள் சத்தியம், அன்பு, தர்மம், ஞானம் என நல்ல குணங்களை      நெறிபடுத்தப்படுவார்கள். இதன்வழி மனிதர்கள் மாபெரும் மறுமலர்ச்சி காணமுடியும். மனிதன் மனிதனாக வாழ்ந்து ,மனிதனைப் புனிதனாக்கி மோட்சம்   அடையவைப்பதே குரு குலக்கல்வியின் இலட்சியமாகும்.